The Kite Runner sem byggð er á einni ástsælustu bók síðari ára, Flugdrekahlauparanum, eftir afganska rithöfundinn Khaled Hosseini.

Sögusviðið er Afganistan á áttunda áratugnum þar sem drengirnir Amir og Hassan eru bestu mátar. Hörmungar varpa skugga á samband þeirra og Amir flytur til Bandaríkjanna eftir innrás Sóvétríkjanna í Afganistan en snýr þangað aftur á fullorðinsaldri til þess að bæta fyrir mistök sín.

Myndin er gífurlega áhrifarík og vel leikin. Hinn ungi Ahmad Khan Mahmidzada sem leikur Hazzan hefur hlotið mikið lof fyrir frammistöðu sína og hefur verið tilnefndur sem besti ungi leikari í aðalhlutverki í Critics Choice Awards. Myndin veitir mikilvæga innsýn í sögu Afganistan og ástandið þar undanfarna áratugi. Það er óhætt að segja að myndin skilji engan eftir ósnortinn, sagan fylgir áhorfandanum löngu eftir að hann hefur yfirgefið kvikmyndahúsið. Kvikmyndaárið byrjar sannarlega vel og það kæmi ekki á óvart þó að þessi frábæra mynd verði ein besta, ef ekki hreinlega besta, mynd ársins hér á landi. Það verður að minnsta kosti erfitt að slá henni við.

María Margrét Jóhannsdóttir