Hversu langt myndir þú ganga til að forða því að barn þitt verði grunað um morð? Margaret Hall (hin frábæra Tilda Swinton) þarf að velta því fyrir sér þegar hún kemur að líki ástmanns ungs sonar síns. Myndin er byggð á skáldsögu eftir Elisabeth Sanxay Holding og er í leikstjórn þeirra Scott McGehee og Davids Siegel. Auk Swinton leikur Goran Visnjic (Bráðavaktin) aðalhlutverk í myndinni.

Ágætur sálfræðitryllir sem nær þó aldrei því flugi sem gefið er til kynna í upphafi. Myndin lallar að vissu leyti áfram en frásögnin verður þó aldrei óáhugaverð. Mynd sem hefði geta orðið mun betri en er samt sem áður áhugaverðari en margir þeir sálfræðitryllar sem hafa borist í kvikmyndahús á síðustu árum. Leikur Swinton er til fyrirmyndar. - Guðjón Helgason