Bandits, nýjasta mynd Barry Levinson, er dálítið undarleg blanda. Hún er spennandi á köflum, stundum dramatísk og rómantísk en þó umfram allt fyndin. Bandits er í raun fyrst og fremst gamanmynd - gamanmynd um tvo skondna fanga, Joe og Terry (Bruce Willis og Billy Bob Thornton) sem flýja úr fangavistinni og taka upp á því að fremja nýstárleg bankarán. Fyrir tilviljun lendir Cate Blancett í slagtogi með þeim og þeir verða báðir ástfangnir af henni.