M. Night
Shyamalan hefur haft frjálsar hendur allt frá
því að fyrsta myndin hans, The Sixth Sense sló í
gegn.
Hann fylgdi henni
eftir með tveimur ágætis myndum, Unbreakable og
Signs en síðan þá hafa myndir hans farið
síversnandi.
Að sumu leyti þá
lifir hann á fornri frægð, myndir hans eru
ávallt kynntar almenningi sem nýjasta myndin frá
leikstjóra The Sixth Sense og eftirvæntingarnar
eftir því.
Nýjasta
myndin hans, The Happening, hefst í Central Park
í New York.
Skyndilega klukkan
8:33 að morgni byrjar fólk að hegða sér
undarlega og í þúsundavís fremur sjálfsmorð.
Hryðjuverkamenn eru
taldir bera ábyrgð á bakteríu sem veldur þessu.
Ekki líður langur
tími þar til einkennin finnast í öðrum
stórborgum án þess að skýring finnist á þessu.
Þó verður það
fljótlega ljóst að engir hryðjuverkamenn gætu
staðið á bak við þetta.
Það er
erfitt að fjalla nánar um myndina án þess að
skemma fyrir tilvonandi áhorfendum.
Hins má segja að
Shyamalan nær sér alls ekki á strik með þessari
mynd.
Í fyrsta lagi þá er
sagan mjög ótrúverðug og ófrumleg.
Líkast til ætlaðist
hann til að vekja fólk til umhugsunar með
myndinni en það mistekst heldur betur.
Í öðru lagi þá er
myndin illa gerð, leikararnir eru hver öðrum
verri og leikstjórnin ekki upp á marga fiskanna.
Þá er handritið afar
illa skrifað.
The
Happening er líklega versta mynd leikstjórans
hingað til.
Myndin er illa gerð
og á nokkrum vandræðalegum köflum, hlægileg.
Það er ekki hægt að
byggja upp spennu eða áhuga þegar myndin er
aðhlátursefni áhorfenda.
Þetta er ein mynd
sem bara gengur ekki upp.
