Before the Devil Knows You're
Dead er nýjasta mynd leikstjórans kunna
Sidney Lumet, sem á að baki stórmyndir á
borð við 12 Angry Men frá
1957, The Verdict frá 1982 og Network frá
1976. Hann er kominn hátt á
níræðisaldur, 83 ára, en ekki enn sestur í
helgan stein.
Að þessu
sinni nær hann
fram því besta úr leikurunum í sögu sem nær hins
vegar
ekki alveg að halda athygli áhorfenda allan
tímann. Hugmyndin er
áhugaverð og persónusköpunin nokkuð sterk,
en satt að segja hefði
sagan virkað mun betur sem stuttmynd heldur
en sem rúmlega tveggja
tíma bíómynd.
Leikararnir eru sem fyrr segir
í toppformi, einkum
Philip Seymour Hoffman og Albert Finney.
Ethan Hawke stendur sig
einnig býsna vel sem úfinn og ræfilslegur
yngri bróðir Hoffmans, og er
því miður ekki jafn myndarlegur og hann var
fyrir nokkrum árum. Sagan
er hins vegar hæg og nokkuð fyrirsjáanleg og
jafnvel ótrúverðug þegar
á líður. Það er hins vegar óskandi að Lumet
haldi áfram kvikmyndagerð
fram á tíræðisaldur að minnsta kosti.
