Get Smart
Get Smart er vel heppnuð gamanmynd.  Hún er mjög fyndin á köflum, hefur fáa hæga og leiðinlega hluta og heldur sér við efnið út myndina.  Það ættu flestir að geta haft gaman af þessari mynd.  Davíð Örn Jónsson LESA DÓMINN Í HEILD
The Mummy: Tomb of the Dragon Emperor
Lögmálið um minnkandi gæði framhaldsmynda er í fullu gildi hér.  Fyrsta múmíu myndin sem kom út fyrir einhverjum árum var ágæt skemmtun, framhaldsmyndin verri og er þessi, sú þriðja sú versta.  Sagan er útþynnt , óspennandi og ófrumleg.  Í þokkabót er myndin illa leikin.  Davíð Örn Jónsson LESA DÓMINN Í HEILD
The Dark Knight
Leikstjórinn Christopher Nolan sannar það að hann er ekki einungis kvikmyndagerðamaður, heldur listamaður sem getur spilað með tilfinningar áhorfenda og haldið spennumögnuðu andrúmsloftinu í tæpa þrjá klukkutíma. Davíð Örn Jónsson LESA DÓMINN Í HEILD
Wanted
Myndin er byggð á teiknimyndasögum og eru hasaratriðin því vel stílfærð eins og búast má við og húmorinn beittur, svo úr verður vönduð ævintýra- og hasarmynd. María Margrét Jóhannsdóttir LESA DÓMINN Í HEILD
Kjötborg
Kjötborg er frábærlega heppnuð heimildarmynd í alla staði. Stjörnur myndarinnar eru  bræðurnir og svo auðvitað viðskiptavinir verslunarinnar. Þetta er algjör gullmoli sem enginn má láta framhjá sér fara.   María Margrét Jóhannsdóttir LESA DÓMINN Í HEILD
The Bank Job
The Bank Job kemur nokkuð skemmtilega á óvart því hún brýtur mjög óvænt regluna um Jason Statham, aðalleikara myndarinnar.  Reglan segir að engin mynd sem skartar Statham í aðalhlutverki geti verið góð.  Vissulega er hann enn einstaklega lélegur leikari en myndin er spennandi, fyndin og skemmtileg. Davíð Örn Jónsson LESA DÓMINN Í HEILD
The Happening
The Happening er líklega versta mynd leikstjórans hingað til.  Myndin er illa gerð og á nokkrum vandræðalegum köflum, hlægileg.  Það er ekki hægt að byggja upp spennu eða áhuga þegar myndin er aðhlátursefni áhorfenda.  Þetta er ein mynd sem bara gengur ekki upp. Davíð Örn Jónsson LESA DÓMINN Í HEILD
Sex and the City
Loksins, loksins, loksins leit kvikmyndin Beðmál í borginni dagsins ljós. Eftir margra ára bið eru vinkonurnar Carrie, Samantha, Miranda og Charlotte komnar aftur og í þetta sinn stærri og betri en nokkru sinni fyrr.   María Margrét Jóhannsdóttir LESA DÓMINN Í HEILD
Forbidden Kingdom
Söguþráðurinn, sem byggður er á kínversku ævintýri, er áhugaverður og bardagarnir ágætir en það er alveg ljóst að bæði Jet Li og Jackie Chan eru farnir að eldast.  Fyrir vikið er fyrsti slagurinn þeirra á milli, sem aðdáendur hafa beðið svo lengi eftir, óeftirminnilegur í besta falli.  Davíð Örn Jónsson LESA DÓMINN Í HEILD
U2 - 3D
Þetta er þó ekki hefðbundin heimildarmynd með viðtölum heldur hreinræktuð tónleikamynd, tæpur einn og hálfur tími af tónleikum. Það jaðrar hins vegar við skemmdarverk að hafa hlé á mynd sem þessari og er rétt að skora á bíóin að sýna hana í heild sinni án hlés, enda nýtur hún sín þannig best. Algjört skylduáhorf fyrir alla U2 aðdáendur.   María Margrét Jóhannsdóttir LESA DÓMINN Í HEILD
Made of Honor
Dempsey og Monaghan standa sig ágætlega og Kevin McKidd er bráðskemmtilegur sem hinn fullkomni Skoti, sem virðist ekki skorta neitt nema persónuleika. Made of Honor má þó eiga það að kossinn á kránni er einn sá eftirminnilegasti á hvíta tjaldinu um nokkurt skeið. Í stuttu máli, formúlu-glanspappírsmynd sem samt má hafa gaman af.   María Margrét Jóhannsdóttir LESA DÓMINN Í HEILD
What Happens in Vegas
Söguþráðurinn er ekki sérlega trúverðugur og atriðin misgóð, en þetta er þó ágætis sumarafþreying. Diaz hnykklar vöðvana í takt við brandara Ashtons og virðast þau ná vel saman í gáskafullri gamanmynd um ástir og peninga.   María Margrét Jóhannsdóttir LESA DÓMINN Í HEILD
Indiana Jones and the Kingdom of the Crystal Skulls
Þrátt fyrir ýmsa vankanta, sem gera það að verkum að myndin er sennilega vonbrigði fyrir marga aðdáendur sem áttu von á enn meiru, þá er hér á ferðinni heillandi ævintýramynd fyrir alla fjölskylduna.     María Margrét Jóhannsdóttir LESA DÓMINN Í HEILD
Iron Man
Jon Favreau leikstýrir myndinni og virðist skilja hvernig á að gera góða mynd.  Fæstar ofurhetjumyndir síðustu ára hafa verið góðar og í flestum tilfellum virðast sömu mistökin vera gerð í þeim öllum, þ.e. ekki nógu mikil áhersla er lögð á persónusköpun og raunveruleika.  Iron Man er hins vegar vel skrifuð og vel útpæld og fær Favreau prik fyrir það. Davíð Örn Jónsson LESA DÓMINN Í HEILD
Forgetting Sarah Marshall
Alvarleikinn er víðs fjarri og brandararnir alltaf á mörkunum, en virka flestir vel. Salurinn tók þó misvel í myndina, enda voru eflaust sumir þarna að leita að væminni rómantískri gamanmynd, en þeir fóru fýluferð.   María Margrét Jóhannsdóttir LESA DÓMINN Í HEILD
Fools Gold
Ástarævintýri þeirra er þó ótrúverðugt, söguþráðurinn almennt afar ófrumlegur og jafnvel kjánalegur, sem og framvindan, en það er þó eitthvað skemmtilega heillandi og sumarlegt við þessa annars klisjukenndu mynd.   María Margrét Jóhannsdóttir LESA DÓMINN Í HEILD
Definitely, Maybe
Þetta er mjög skemmtileg rómantísk gamanmynd sem allir ættu að geta haft gaman af.  Í heildina á litið er Definitely Mabe skemmtileg mynd sem heldur áhuga manns út allan tímann.   María Margrét Jóhannsdóttir LESA DÓMINN Í HEILD
The Ruins
Það má segja að The Ruins sé nokkuð týpísk unglingahrollvekja sem byggist að hluta á bregðuatriðum og að hluta á ógeði.  Það fer ekki mikið fyrir persónusköpun eða vel skrifuðu handriti enda er hér um formúlumynd að ræða. Davíð Örn Jónsson LESA DÓMINN Í HEILD
Lars and the Real Girl
Ryan Gosling sýnir frábæran leik í aðalhlutverkinu og aðrir minna þekktir leikarar standa sig einnig með prýði. Leikstjóranum Craig Gillespie tekst að byggja upp mikla samúð með aðalpersónunni og segja þessa áhrifamiklu sögu með lágstemmdum og heillandi hætti.   María Margrét Jóhannsdóttir LESA DÓMINN Í HEILD
Stóra planið
Stóra planið er ósköp saklaus og skemmtileg mynd.  Handritið er vel skrifað og myndinni er vel leikstýrt.  Auga leikstjórans fyrir smáatriðum er greinilega næmt en það eru þessi smátriði sem gera myndina þetta skemmtilega.  Davíð Örn Jónsson LESA DÓMINN Í HEILD
10.000 B.C.
Roland Emmerich er leikstjóri myndarinnar en hann hefur áður leikstýrt t.d. Independence Day, Godzilla og The Day After Tomorrow.  Hann er mjög mistækur leikstjóri, reynir ávallt að höfða til allra og fyrir vikið verða myndir hans oft á tíðum algjör grautur, tæknilega vel gerður grautur.  10.000 B.C. er engin undantekning á því, algjör grautur. Davíð Örn Jónsson LESA DÓMINN Í HEILD
In Bruges
Myndin virðist á köflum ansi stefnulaus og jafnvel langdregin þrátt fyrir að vera einungis rúmar 100 mínútur. Hún er engu að síður ágæt skemmtun, fyndin og spennandi á köflum. Sævar Guðmundsson LESA DÓMINN Í HEILD
El Orfanato
El Orfanato hefði vel getað sómað sér á síðustu óskarsverðlaunahátíð og hefði fyllilega getað slegið þeim myndum sem þar var að finna við.  Hér er á ferðinni ein besta hrollvekja síðari ára og ein besta mynd síðasta árs.  Ég hvet alla til að skella sér á þessa og þakka Græna ljósinu fyrir að færa okkur hana. Davíð Örn Jónsson LESA DÓMINN Í HEILD
Scaphandre er le papillon
Þvílík mynd. Hún fékk ein Óskarsverðlaun og tvenn Golden Globe verðlaun og gleymist seint eða aldrei. Katrín Guðjónsdóttir LESA DÓMINN Í HEILD
27 Dresses
Það er í sjálfu sér hægt að gera ágætar formúlumyndir í þessum anda, en stundum misheppnast formúlan illilega og það virðist hafa gerst hér hjá hinum lítt reynda leikstjóra Anne Fletcher.  Stelpur, í guðanna bænum ekki draga kærastana ykkar með á þessa mynd því þá munu þeir sennilega aldrei vilja sjá aðra rómantíska gamanmynd á ævinni.   María Margrét Jóhannsdóttir LESA DÓMINN Í HEILD
There Will Be Blood
Boðskapurinn er nokkurn veginn sá sami og í Citizen Kane, en þessar tvær myndir eiga margt sameiginlegt.  Charles Foster Kane og Daniel Plainview eru alls ekki svo ólíka persónur.   Líkt og Orson Welles í Citizen Kane reynir leikstjórinn Paul Thomas Anderson að varpa ljósi á þessa persónu, Daniel Plainview sem er margslungnari en flestir. Davíð Örn Jónsson LESA DÓMINN Í HEILD
Juno
Sagan er bráðskemmtileg frá upphafi til enda, fyndin en þó með alvarlegum undirtónum. Juno er öðruvísi mynd sem enginn ætti að missa af. María Margrét Jóhannsdóttir LESA DÓMINN Í HEILD
The Kite Runner
Það er óhætt að segja að myndin skilji engan eftir ósnortinn, sagan fylgir áhorfandanum löngu eftir að hann hefur yfirgefið kvikmyndahúsið. Kvikmyndaárið byrjar sannarlega vel og það kæmi ekki á óvart þó að þessi frábæra mynd verði ein besta, ef ekki hreinlega besta, mynd ársins hér á landi. Það verður að minnsta kosti erfitt að slá henni við. María Margrét Jóhannsdóttir LESA DÓMINN Í HEILD
Before the Devil Knows You're Dead
Sagan er hæg og nokkuð fyrirsjáanleg og jafnvel ótrúverðug þegar á líður. Það er hins vegar óskandi að Lumet haldi áfram kvikmyndagerð fram á tíræðisaldur að minnsta kosti. María Margrét Jóhannsdóttir LESA DÓMINN Í HEILD
No Country for Old Men
Svartur húmor bræðranna er á sínum stað og söguþráðurinn góður.  Helsti gallinn við myndina er lengdin, hún er rúmlega tveir tímar en hefði virkað betur undir tveimur tímum.  Á heildina litið er þetta þó besta mynd Coen bræðra í langan tíma, frábær kvikmyndagerð. María Margrét Jóhannsdóttir LESA DÓMINN Í HEILD
Sweeny Todd
Það er ekki annað hægt en að lofa þessa uppfærslu hans Tim Burton.  Stíll hans sem leikstjóra fellur afar vel að söngleiknum, líklega hefðu fáir aðrir getað fært þetta stykki á hvíta tjaldið.  Tim Burton plús Sweeny Todd er eldfim blanda, virkilega skemmtileg kvikmynd, vel sungin og aldrei leiðinleg. Davíð Örn Jónsson LESA DÓMINN Í HEILD

_