|
1.
THE LORD OF THE RINGS:
THE RETURN OF THE KING
Besta
myndin í trílógíu Peters Jacksons um
Hringadróttinssögu J.R.R. Tolkien. Með þessari mynd
lýkur frásögninni af föruneyti hringsins. Lokabaráttan
í Hringadróttinssögu, þar sem allt er lagt í sölurnar.
Hvert smáatriði er úthugsað, hér er um að ræða
meistaraverk í kvikmyndagerð. Jackson hefur skapað
eftirminnilegustu trílógíu kvikmyndasögunnar. Hérna
birtast eftirminnilegustu bardagasenur í kvikmynd,
baráttan við Mínas Tírith er svo undursamlega
kvikmynduð að leitun er að betri bardagsenu í kvikmynd
til þessa. Hér eru allir lausir endar fyrri myndanna
bundnir saman. Myndin er mjög vel leikin. Útkoman er
mynd sem stendur uppúr í kvikmyndagerð seinustu
áratuga. Besta kvikmynd ársins 2003 - en jafnframt svo
miklu meira en það.
2.
KILL BILL:
VOL. 1
Mögnuð
mynd frá meistara Quentin Tarantino. Hér gengur allt
upp, tónlist, kvikmyndataka og leikur skapa magnað
andrúmsloft. Flott bardagaatriði, blóðið er ekki
sparað í öllum limlestingunum. Uma Thurman er traust í
aðalhlutverkinu, en hún hefur áður unnið með
leikstjóranum eins og allir vita. Sannkölluð
kvikmyndabomba, beðið með óþreyju eftir seinni
myndinni.
3.
THE PIANIST
Meistaraverk frá leikstjóranum Roman Polanski,
persónulegasta mynd hans á ferlinum og sú besta hingað
til. Efni myndarinnar eru hörmungar seinni
heimsstyrjaldarinnar. Sjálfur upplifði hann þessar
hörmungar og litlu mátti reyndar muna að hann léti
lífið í þeim hildarleik. Segir frá ótrúlegu lífshlaupi
pólska píanóleikarans Wladyslaw Szpilman og hvernig
honum, með dyggri aðstoð pólsku
andspyrnuhreyfingarinnar og ennfremur tilviljun og
hreinni heppni tókst að leynast fyrir nasistum
meginhluta stríðsins 1939-1945. Öll umgjörð
myndarinnar er stórfengleg; tónlist, leikur handrit,
framleiðsla og klipping - allt fyrsta flokks.
4.
MYSTIC RIVER
Ein
besta spennumynd ársins. Jafnframt ein besta og
kröftugasta mynd Clint Eastwood sem leikstjóra.
Gríðarlega vel leikin mynd. Í senn áhrifamikil og
einkar átakanleg. Sean Penn sýnir eina bestu
leikframmistöðu sína og hópur öflugra leikara hefur
aldrei leikið betur en hér, t.d. Marcia Gay Harden.
Mögnuð mynd sem vert er að mæla með.
5.
PIRATES OF THE CARIBBEAN
Stórskemmtileg ævintýramynd fyrir alla fjölskylduna, í
anda hinna gömlu góðu úrvalsmynda. Litríkt ævintýri
sem gerist á 17. öld þegar sjóræningjarnir skunduðu um
Karíbahafið. Virkilega skemmtileg, handritið kemur
áhorfandanum oft mjög á óvart með því að fara í
óvæntar áttir. Góður hasar og magnaðar tæknibrellur
eru einnig aðall myndarinnar.
6.
LOVE ACTUALLY
Ekta
bresk rómantísk gamanmynd, í anda Four Weddings and a
Funeral, Bridget Jones´s Diary og Notting Hill.
Frábært leikaralið fer á kostum og má nefna leikara á
borð við Hugh Grant, Liam Neeson, Colin Firth, Lauru
Linney, Emmu Thompson og Alan Rickman. Þessi góða
ástarsaga fjallar um átta mjög ólík pör í London rétt
fyrir jól, sem glíma við ýmis vandamál í ástarlífinu.
Mynd sem færir manni sælutilfinningu, þetta er mynd
sem ætti að létta geð allra.
7.
HULK
Skemmtilega óhefðbundin hasarmynd frá leikstjóranum
Ang Lee, sem hittir beint í mark. Handritið er vel úr
garði gert, sagan er virkilega vel unnin og skartar
góðum leik. Áferð myndarinnar er skemmtileg og græni
liturinn notaður á mjög áhugaverðan hátt. Klippingin
og öll framsetning er í alla eins og í
teiknimyndasögum. Ein besta hasarmynd ársins.
8.
THE MATRIX REVOLUTIONS
Magnaður
endir á kvikmyndatrílógíunni The Matrix. Glæsilegar
tæknibrellur og flott flétta skapa góða stórmynd.
Glæsilegt bardagaatriði er hápunktur myndarinnar.
Stendur ekki langt að baki fyrstu myndinni sem þó
telst enn besta og flottasta mynd trílógíunnar.
9.
X-2
Flott
hasarmynd með glæsilegum tæknibrellum. Að mínu mati
betri en fyrri myndin og mun meira spennandi. Góð
skemmtun.
10.
CHICAGO
Skemmtilegur söngleikur sem sannar að gullaldartími
söngleikjanna er kominn á ný eftir nokkuð mörg mögur
ár. Ætti enginn að verða svikinn af frábærum söng- og
dansatriðum og í heildina er myndin vel úr garði gerð
og bráðskemmtileg. Virkilega vel leikin.
Næstu myndir á topp 10:
Adaptation
The Hours
Phone Booth
Matchstick Men
Identity
Dogville
Master and Commander: The Far Side of the World
About Schmidt
Catch Me If You Can
Sweet Sixteen
|
